Cari Blog Ini

07 Mac 2022

Kenangan Kereta Berhias. (Entri Loghat Kelantan)


Semalam jumpa post ni di Facebook. Teringat pula kenangan lama... sadis.

Awas! Entri dalam loghat Kelantan. 

Kenangan maso skoloh menengoh gi tengok keto berias. Maso tu baru ado muto gemuloh Tok Ayoh (semoga diampunkan dosa2nya dan dirahmatinya) beli. Ambo tubik nga Manaf, sepupu alik mok. 

Nok tengok keto berias nok oyak bui. Ambo park muto alik medan selera stadium tu pah nitah jale duk alik spital perdano pat ore rama² di dakpe lobi dio. Sepupu ambo pah mano tok tahu doh pisoh abih.

Male tu huje lebat kakloh. Ambo duk cace belake petok pasu bungo pat ore rama². Depe ambo dale petok pasu tu dio tane pokok jari lipe duk waso.. jenih juta tubik kut bira pasu. 

Lamo duk becace, mako sapa la keto berias deret². Dale pikire ambo, 'ai... tok puah ni duk alik pasu ni. Napok palo ore jah.'

Ambo pun cak pelum lopat atah bira pasu. Nyo mari waso siye pulok ko ore belake. Ambo pun lopat cak pelum alah ko depe sabak napok liney sikit. Maso tu huje berek2 gitu jah tok lebat mano. 

Nok jadi ko crito tu dih... tepat ambo lopat sakni tu tepat pohon jari lipe juta tu la. Ambo ingat bereh... apo pokok jari lipe tu lindung lokey depe tu. Doh sakni huje.. ambo cak pelum tadi strek dale lokey... bejerut sekat pinggey.

Keto berias pah ke mano ambo tok caro. Ambo lopat naik lokey... gi kat muto.. start pah preh kelik. Kenange dan rahsio ambo sipe lamo ni. Kalu ado huk ingat budok smart terjun lokey male tu... ambo la tu.

2 ulasan:

  1. kawe ingat lagi masa Puja Umur Sultan Ismail thn 1980 sanggup jale kaki ramai2 dari kg ke bandar Machang nak tgok kereta berhias ni. Dkt 6km jugak la. Masa tu kawe baru darjah 1. Ma heret tange..ikut je la. x serro letih pun sbb jale ramai2. Kenangan tul!

    BalasPadam
    Balasan
    1. Arrr... beza 14 tahun kito tuh Abam Kie. Sungguh.. suko mulo. Ayoh bawok gi tengok kapal terbang di airport pun suko doh. Dea suko gak dih, bejale jauh pun takpo. Tidok besero apo. hehe

      Padam

Sila tinggalkan hyperlink blog anda di komen (cara-cara dalam LINK INI ) kerana kebanyakan masa saya menggunakan mobile dan memudahkan saya dan pembaca lain untuk melawat blog anda kembali. Terima kasih daun keladi.